حمد باری تعالیٰ

داعی اسلام حضرت شیخ شاہ احسان اللہ محمدی صفوی دام ظلہ

طفیلِ شاہِ مرداں یا الٰہی
مٹا دے داغ عصیاں یا الٰہی

مرے باغیچہ علم و ادب میں
رہے یوں ہی چراغاں یا الٰہی

جنابِ سید حقانی کے صدقے
نہ ہو یہ باغ ویراں یا الٰہی

رہے محفوظ و مامون ہر بلا سے
سدا سید سراواں یا الٰہی

تمامی آل حقّانی کو پھر سے
بنا دے یک دل و جاں یا الٰہی

حقیقت میں تو ہی مشکل کشا ہے
مری مشکل کر آساں یا الٰہی

علومِ گمرہی سے کر کے غافل
عطا کر فہمِ قرآں یا الٰہی

سعیدؔ غافل و پژمردہ دل کو
عطا کر نورِ ایماں یا الٰہی

Tufail-e-Shah-e-Mardaañ Ya Ilahi
Mita De Daagh-e-Isyaañ Ya Ilahi

Mere Baaghicha-e-Ilm-o-Adab Meiñ
Rahe Yuñhi Charaghaañ Ya Ilahi

Janab-e-Saiyad-e-Haqqani Ke Sadqe
Na Ho Ye Baagh Weerañ Ya Ilahi

Rahe Mahfooz-o-Mamoon Har Bala Se
Sada Saiyed Sarawañ Ya Ilahi

Tamami Aal-e-Haqani Ko Phir Se
Bana De Yak Dil-o-Jaañ Ya Ilahi

Haqqeqat Meiñ Tuhi Mushkil Kusha Hai
Meri Mushkil Kar Aasañ Ya Ilahi

Uloom-e-Gumrahi Se Kar Ke Ghafil
Ata Kar Fahm-e-Qurañ Ya Ilahi

Saeed-e-Ghafil-o-Pazmurda Dil Ko
Ata Kar Noor-e-Imañ Ya Ilahi